Bazuar në kërkesat e legjislacionit për transparencë dhe në funksion të garantimit të një informimi të qartë dhe të besueshëm për publikun, një nga kategoritë themelore të informacionit që publikohet pa kërkesë është ajo që lidhet me organizimin dhe funksionimin e institucionit.

Në këtë kategori përfshihen aktet bazë që përkufizojnë identitetin juridik, strukturën organizative dhe mënyrën e funksionimit të Spitalit Universitar Obstetrik-Gjinekologjik “Mbretëresha Geraldinë”, si më poshtë renditur:

A. Statuti i S.U.O.GJ “Mbretëresha Geraldinë”.
B. Organigrama aktuale e S.U.O.GJ “Mbretëresha Geraldinë”.
C. Vlerësimi i performancës së punonjësve në S.U.O.GJ “Mbretëresha Geraldinë”.

Në kuadër të monitorimit të brendshëm institucional dhe përmirësimit të vazhdueshëm të cilësisë së shërbimeve, Spitali Universitar Obstetrik-Gjinekologjik “Mbretëresha Geraldinë” ka vendosur si praktikë të rregullt vlerësimin periodik të performancës individuale të punonjësve.

Kjo bëhet nëpërmjet një formulari të standardizuar të vlerësimit, i cili plotësohet nga eprori direkt dhe nga Sektori i Burimeve Njerëzore.
Procesi bazohet në një sistem vlerësimi me katër nivele, të përshkruar si më poshtë:

• Niveli 1 – Vlerësim maksimal: Realizim i shkëlqyer i objektivave, sjellje dhe qëndrim profesional të dalluar.
• Niveli 2 – Mirë: Objektivat e realizuara mirë, qëndrim profesional i kënaqshëm.
• Niveli 3 – Përmbush kërkesat në punë: Realizim i pjesshëm i objektivave, qëndrim i pranueshëm.
• Niveli 4 – Nevojitet përmirësim: Objektivat jo të përmbushura, mangësi në sjellje dhe profesionalizëm.

Fusha e vlerësimit përfshin këto aspekte kryesore:

• Komunikim efektiv dhe zgjidhje konfliktesh;
• Bashkëpunim dhe punë në grup;
• Përgjegjshmëri, efikasitet dhe përdorim burimesh;
• Cilësia e punës, përmbushja e synimeve dhe rritja profesionale;
• Përdorimi i orarit dhe rregullsia në punë.

Punonjësi njihet me vlerësimin, ka të drejtë të japë komente dhe të shprehë dakordësinë ose mospajtimin me rezultatin e vlerësimit. Në përputhje me legjislacionin për mbrojtjen e të dhënave personale, publikohen vetëm tregues të përgjithshëm të performancës në nivel sektori, jo individual.

Organigrama SUOGJ “Mbreteresha Geraldinë

Veprimtaria e Spitalit Universitar Obstetrik-Gjinekologjik “Mbretëresha Geraldinë” mbështetet në një kuadër të gjerë ligjor dhe nënligjor, i cili rregullon sistemin e kujdesit shëndetësor në Republikën e Shqipërisë, veçanërisht në fushën e obstetrikës dhe gjinekologjisë.

Ky kuadër përfshin ligje dhe akte nënligjore që përcaktojnë organizimin, funksionimin dhe ofrimin e shërbimeve shëndetësore, mbi të cilat bazohet ushtrimi i veprimtarisë institucionale.

Në këtë kuadër, më poshtë paraqitet një përmbledhje ilustrative dhe jo shteruese e akteve më të rëndësishme ligjore dhe nënligjore, të cilat përbëjnë themelin juridik të funksionimit të Spitalit Universitar Obstetrik-Gjinekologjik “Mbretëresha Geraldinë”.

Për transparencë të plotë dhe lehtësi përdorimi, secilit akt i është bashkëlidhur një link aktiv, që të çon drejtpërdrejt në versionin më të fundit të publikuar në faqen zyrtare të Qendrës së Botimeve Zyrtare (QBZ).

Kjo mundëson që çdo qytetar të konsultojë dokumentin zyrtar në mënyrë të saktë dhe të besueshme.

1. Ligj Nr. 10 107, datë 30.3.2009 “Për Kujdesin Shëndetësor në Republikën e Shqipërisë”: https://www.qbz.gov.al/eli/ligj/2009/03/30/10107/137d2b4c-cef4-4a0f-828a-59a1274c4994?q=ligji%20per%20kujdesin%20shendetesor%20ne%20republiken%20e%20shqiperise

2. Ligj Nr. 105/2014 “Për Barnat dhe Shërbimin Farmaceutik”: https://www.qbz.gov.al/share/rkiLjbEkSGWnFZ1Qt_Pu0w

3. Ligj Nr. 8045, datë 7.12.1995 “Për Ndërprerjen e Shtatëzanisë”: https://www.qbz.gov.al/share/sF_Kea_MRNa2PXgUuvLRxQ

4. Ligj Nr. 8615, datë 1.6.2000 “Për Urdhrin e Mjekëve në Republikën e Shqipërisë”: https://www.urdhrimjekeve.org.al/dokumenta/ligj_nr_123_dt_25_9_2014_19324_um.pdf

5. Ligj Nr. 8876, datë 4.4.2002 “Për Shëndetin Riprodhues” i ndryshuar: https://qbz.gov.al/share/8EghBzw_Q5aQ1bYoX90ffA

6. Ligj Nr. 9718, datë 19.4.2007 “Për Urdhrin e Infermierit në Republikën e Shqipërisë” i ndryshuar: https://www.qbz.gov.al/share/qzKckBPATeilUISwAndf2Q

7. Ligj Nr. 9150, datë 30.10.2003 “Për Urdhrin e Farmacistëve në Republikën e Shqipërisë” i ndryshuar: https://www.qbz.gov.al/share/36-yYZ2uT5WBEEztdHDqdg

8. Ligj Nr. 10 138, datë 11.5.2009 “Për Shëndetin Publik”, i ndryshuar: https://www.qbz.gov.al/share/OPmcTJUjTHKtxnSzEpo81A

9. Ligj Nr. 147/2014 “Për Shërbimin e Urgjencës Mjekësore”: https://www.qbz.gov.al/share/eduVQgWtS4a8lngJsyLj3Q

10. Ligji Nr. 55/2022 “Për Shërbimin Spitalor në Republikën e Shqipërisë”: https://qeverisjavendore.gov.al/wp-content/uploads/2024/08/Ligj-nr.-55-date-7.7.2022-Per-sherbimin-spitalor-ne-Republiken-e-Shqiperise.pdf

11. Ligj nr. 8528, datë 23.9.1999 “Për nxitjen dhe mbrojtjen e të ushqyerit me gji”: https://www.qbz.gov.al/share/WlV1jU2YQYyKapJ6-3iUgQ

12. Ligj Nr. 10 328, datë 24.02.2011 “Për sigurimin e detyrueshëm të kujdesit shëndetësor në Republikën e Shqipërisë”: https://www.qbz.gov.al/share/GeOh5Vd9RNSpWIDFJ79l1w

13. Ligj Nr. 89/2014 “Për pajisjet mjekësore”: https://www.qbz.gov.al/share/3WC5g3m-Q0yFKg1p6ks9BA

14. VKM nr. 308, datë 21.5.2014 “Për miratimin e paketave të shërbimeve shëndetësore që do të financohen nga Fondi në shërbimin spitalor”: https://www.qbz.gov.al/share/DU85A3oYSf6gBLJRZEfmAQ

15. Ligji Nr. 9154/2003 “Për Arkivat”, i ndryshuar: https://www.qbz.gov.al/share/clXlZyAtT5Grobt_96kivA

16. VKM nr. 66, datë 3.2.2017 “Për përcaktimin e kritereve dhe procedurave për ngritjen dhe organizimin e shërbimeve dhe strukturave shëndetësore universitare”: https://www.qbz.gov.al/share/pXJvOlNbQjeZFsJ5wbnsNQ

17. VKM nr. 70, datë 15.2.2001 “Për statusin e spitaleve universitare”, i ndryshuar: https://www.qbz.gov.al/share/tNLCTq_4R2qaWzAIwXpT9w

18. VKM nr. 655, datë 10.11.2017 “Për miratimin, si strukturë shëndetësore universitare, të SUOGJ “Mbretëresha Geraldinë”: https://www.qbz.gov.al/share/cjwn8ERYRQGMw_Ote0Xfig

19. Udhëzim nr. 499, datë 02.07.2017 “Për procedurat e pranimit dhe emërimit të mjekëve në institucionet shëndetësore publike”: https://www.qbz.gov.al/share/L4rcYoAcRhGs-1XIDHRQ1Q

20. Udhëzim nr. 205, datë 9.4.2024 “Për procedurat e punësimit, emërimit, lirimit dhe disiplinës së mjekëve…”: https://qbz.gov.al/share/udle0297SMiYi-KDd_Tq8A

21. VKM nr. 424, datë 26.06.2024 “Për miratimin strukturës së pagave, niveleve të pagave, e të shtasve mbi pagë, kompensimeve dhe të trajtimeve të tjera financiare të punonjësve të sistemit shëndetësor, në institucionet shëndetësore, në sistemin e ministrisë përgjegjëse për shëndetësinë, në strukturat shëndetësore të forcave të armatosura të Republikës së Shqipërisë, të Drejtorisë së Përgjithshme të Burgjeve dhe të Drejtorisë së Përgjithshme të Policisë së Shtetit”: https://www.qbz.gov.al/share/JzWBEgzpTXKySihwtcuZ-Q

VKM nr. 310/2022 “Per disa ndryshime dhe shtesa ne urdherin nr. 493/2019 “Per sistemin e referimit dhe tarifat e sherbimit shendetesor publik”

E drejta për të kërkuar informacion publik është një nga themelet e një administrate transparente dhe të përgjegjshme. Në zbatim të Ligjit nr. 119/2014 “Për të drejtën e informimit”, çdo qytetar, organizatë apo subjekt i interesuar ka të drejtë të aksesojë informacion që prodhohet ose administrohet nga Spitali Universitar Obstetrik-Gjinekologjik “Mbretëresha Geraldinë”, për aq kohë sa ky informacion nuk kufizohet me ligj për shkak të ndonjë interesi publik të mbrojtur (si privatësia, të dhënat personale apo siguria publike).

Për të garantuar këtë të drejtë, brenda institucionit është caktuar një Koordinator i dedikuar për të Drejtën e Informimit, i cili vepron si pikë kontakti për çdo qytetar apo palë të interesuar që dëshiron të marrë informacion në mënyrë zyrtare.

Koordinatorja për të Drejtën e Informimit:

a. Emër: Jonada Caushi;
b. Funksioni: Koordinatore për të Drejtën e Informimit;
c. E-mail zyrtar: MbretereshaGeraldine@shendetesia.gov.al;
d. Adresa: Bulevardi “Zogu I”, Tiranë.

A. Formulari standard për kërkesë për informacion;

Kërkesat për informacion dorëzohen në formë të shkruar, fizikisht në sekretarinë e institucionit ose elektronikisht përmes emailit të mësipërm. Për lehtësi, në faqen zyrtare të S.U.O.GJ “Mbretëresha Geraldinë” është vënë në dispozicion një formular standard, i cili mund të shkarkohet dhe plotësohet nga çdo kërkues informacioni:

Kërkesa për informim bëhet me shkrim dhe dërgohet dorazi, me postë ose me postë elektronike, duke paraqitur saktë identitetin e kërkuesit dhe nënshkrimin e tij. Kërkesa regjistrohet në Regjistrin e Kërkesave dhe Përgjigjeve, të parashikuar në nenin 8 të këtij ligji dhe për të caktohet një numër rendor.

Kërkesat për informim regjistrohen sipas radhës së paraqitjes dhe trajtohen pa dallime mes tyre. Kërkesa për informim duhet të përmbajë:

a) emrin dhe mbiemrin e kërkuesit;
b) adresën postare ose elektronike ku kërkohet të dërgohet informacioni;
c) përshkrimin e informacionit që kërkohet;
ç) formatin në të cilin preferohet informa-cioni;
d) çdo të dhënë që kërkuesi gjykon se mund të ndihmojë në identifikimin e informacionit të kërkuar.

Në qoftë se kërkesa për informim nuk e përcakton formatin në të cilin kërkohet informacioni, ai jepet në mënyrën më të efektshme dhe me koston më të ulët për autoritetin publik. Përjashtimisht, kërkesat për njohjen me informacionin arkivor të ruajtur në arkivat e përhershëm trajtohen në përputhje me ligjin nr. 9154, datë 6.11.2003, “Për arkivat.”

Në rastet kur autoriteti publik, të cilit i drejtohet kërkesa për informim, është i paqartë në lidhje me përmbajtjen dhe natyrën e kërkesës, ai kontakton menjëherë, por gjithnjë jo më vonë se 48 orë nga data e paraqitjes së kërkesës, me kërkuesin për të bërë sqarimet e nevojshme.

Në qoftë se pas shqyrtimit të kërkesës autoriteti publik konstaton se nuk e zotëron informacionin e kërkuar, ai, jo më vonë se 10 ditë kalendarike nga data e dorëzimit të kërkesës, ia dërgon atë autoritetit kompetent, duke e vënë në dijeni edhe kërkuesin. Arsyeja e vetme që justifikon dërgimin e kërkesës një autoriteti tjetër është mungesa e informacionit të kërkuar.

B. Procedura e ankimimit në rast refuzimi të informacionit;

Çdo person, kur çmon se i janë shkelur të drejtat e parashikuara nga ky ligj, ka të drejtë të ankohet në rrugë administrative pranë Komisionerit për të Drejtën e Informimit dhe Mbrojtjen e të Dhënave Personale, në përputhje me këtë ligj dhe Kodin e Procedurave Administrative.

Hapat për ankimin janë si më poshtë:

1. Ankimi pranë Komisionerit për të Drejtën e Informimit: Qytetari mund të drejtohet tek:

• Komisioneri për të Drejtën e Informimit dhe Mbrojtjen e të Dhënave Personale
• Adresa: Rr. “Abdi Toptani”, Godina nr. 5, Tiranë.

Model kerkese per informacion

Spitali Universitar Obstetrik-Gjinekologjik “Mbretëresha Geraldinë”, si institucion publik shëndetësor, vepron në një kuadër të qartë ligjor dhe institucional të mbikëqyrjes dhe kontrollit.

Përgjegjshmëria dhe llogaridhënia janë të garantuara nëpërmjet mekanizmave të rregullt të monitorimit dhe vlerësimit të performancës, si në aspektin administrativ, ashtu edhe në atë financiar, etik e profesional.

Autoritetet që ushtrojnë kontroll apo mbikëqyrje funksionale ndaj institucionit janë si më poshtë:

Institucionet publike që ushtrojnë kontroll dhe monitorim:
1. Ministria e Shëndetësisë dhe Mbrojtjes Sociale (MSHMS);
2. Fondi i Sigurimit të Detyrueshëm të Kujdesit Shëndetësor (FSDKSH);

• Buxheti, plani i shpenzimeve për vitin financiar në vijim dhe vitet e kaluara
• Raport vjetor për zbatimin e buxhetit dhe anekset
• Donacione, sponsorizime
• Dokumente që tregojnë gjendjen e shlyerjes së detyrimeve nga subjektet e licencuara

Shënim: Në ato raste kur autoriteti publik vetëfinancohet nga tarifat e licencave ose çdo formë tjetër e financimit të drejtpërdrejtë nga subjektet e rregulluara prej tij, bëhen publike edhe dokumentet që tregojnë gjendjen e shlyerjes së detyrimeve nga subjektet e licencuara.

• Lista e kontratave të lidhura (përfshirë shumën e kontraktuar, palët kontraktuese dhe përshkrimin e shërbimeve)
• Regjistri i parashikimeve të prokurimit publik
• Regjistri i realizimeve të prokurimit publik
• Informacion mbi zbatimin dhe monitorimin e kontratave, si dhe udhëzues e politika të ndryshme

Lista e Shërbimeve* që ofron AP, përfshirë

• • tarifat përkatëse (nëse ka)
  • formular aplikimi
  • afati kohor
  • procedurë ankimimi
  • standardet për cilësinë e shërbimit

Shënim: Lëshim dokumentacioni/Leje/Licenca/Autorizime etje.

Të gjitha shërbimet janë të listuara në menu, ose në faqen kryesore. 

• Njoftimi dhe konsultimi publik (Linku)
• Komente/Rekomandime/Opinione të palëve të interesuara/grupe interesi
• Shqyrtimi i komenteve dhe rekomandimeve
• Raportet vjetore për transparencën në procesin e vendimmarrjes
• Procedura/mekanizma për të dhënë mendime lidhur me hartimin e politikave publike apo ushtrimin e funksioneve të AP
• Emër mbiemër të koordinatorit për konsultimin publik, adresë postare/elektronike

• Lista e dokumenteve që administrohen nga AP me afatet e ruajtjes
• Formën e dokumenteve/informacioneve (elektronik, kopje fizike, audio, video, foto)

Autoriteti publik krijon, mban dhe bën publik një regjistër të posaçëm, ku pasqyrohen të gjitha kërkesat për informim dhe informacionet e dhëna në përgjigje të tyre.

Ky regjistër përditësohet dhe publikohet në faqen e internetit të autoritetit publik, si dhe në mjediset e pritjes së publikut në zyrat e autoritetit publik. Identiteti i kërkuesve të informacionit nuk pasqyrohet në regjistër.

Institucioni ynë angazhohet që çdo kërkesë të trajtohet me transparence dhe në përputhje të plotë me ligjin, në funksion të forcimit të besimit të publikut dhe respektimit të së drejtës për informim.

Regjistri i Kthim Pergjigjeve 2025

• Ndihma shoqërore/subvencioneve të dhëna nga AP
• Kategoritë dhe format e ndihmës shoqërore/subvencioneve
• Procedura për të përfituar ndihmën shoqërore/subvencionet dhe dokumentacioni përkatës për aplikim
• Procedura e ankimimit

Një pjesë e konsiderueshme e kërkesave për informacion që i drejtohen Spitalit Universitar Obstetrik-Gjinekologjik “Mbretëresha Geraldinë” lidhen me dokumentacionin mjekësor që ka të bëjë me historikun shëndetësor të pacientëve dhe shërbimet e ofruara gjatë trajtimit të tyre në institucion.

Këto kërkesa vijnë zakonisht nga vetë pacientët. Informacionet më të zakonshme që kërkohen përfshijnë:

• Kopje të certifikate asistence lindjeje, epikriza, etj;

Çdo kërkesë për këtë lloj informacioni trajtohet në përputhje me procedurat e institucionit, duke respektuar të drejtën e pacientit për akses në të dhënat e veta shëndetësore, mbrojtjen e konfidencialitetit mjekësor dhe detyrimin ligjor për ruajtjen dhe dokumentimin e çdo veprimi të kryer.

Transparenca në proceset e rekrutimit është një ndër parimet themelore që garanton integritetin dhe barazinë e mundësive në administratën publike shëndetësore.

Spitali Universitar Obstetrik-Gjinekologjik “Mbretëresha Geraldinë” angazhohet të sigurojë publikimin në kohë dhe në mënyrë të aksesueshme të të gjitha njoftimeve për vende të lira pune dhe procedurave përkatëse të përzgjedhjes së kandidatëve. S.U.O.GJ. e ushtron veprimtarinë e tij në përputhje me standardet e përcaktuara nga Ministria e Shëndetësisë dhe Mbrojtjes Sociale (MSHMS).

Në SUOGJ personeli administrativ dhe mjekësor punësohet nëpërmjet konkursit. Konkursi për personelin mjek bëhet nëpërmjet Portalit “Mjekë për Shqipërinë”, për personelin mami/infermier, laborant, punesimi bëhet nëpërmjet Portalit “Infermier për Shqipërinë”.

Për punesimin e personelit të administratës dhe personelit ndihmës respektohen dispozitat e Kodit të Punës.

• Njoftimet për vende të lira pune;

Publikohen nëpërmjet Buletinin e Njoftimeve Publike të Agjencisë së Prokurimit Publik, në platformën: https://www.app.gov.al/t%C3%AB-tjera/arkiva/arkiva-e-buletinit-t%C3%AB-prokurimit-publik

Njoftimet përmbajnë të dhëna mbi pozicionin vakant, kriteret e pranimit, dokumentacionin e nevojshëm dhe afatet për aplikim.

• Procedura e rekrutimit;

Procesi i rekrutimit zhvillohet në përputhje me përshkrimin dhe hapat e përcaktuara në Rregulloren e Brendshme të SUOGJ “Mbretëresha Geraldinë”, ku përfshihen:

• verifikimi i dokumentacionit të paraqitur;
• faza e vlerësimit me pikë për përvojën dhe kualifikimet;
• testimi dhe/ose intervistimi (kur aplikohet);
• renditja përfundimtare dhe shpallja e fituesit.

Të gjitha procedurat dokumentohen dhe ruhen duke respektuar parimet e ligjshmërisë, transparencës dhe mosdiskriminimit.