SHPALLJE PËR MJEKË ME KOHË TË PJESSHME

Në mbështetje të legjislacionit në fuqi dhe nevojave të shërbimit, Spitali Universitar Obstetrik-Gjinekologjik “Mbretëresha Geraldinë” shpall nevojën për kontraktimin e:

• 1 (një) mjek me kohë të pjesshme në specialitetin Kardiopediatri
• 1 (një) mjek me kohë të pjesshme në specialitetin Okulistikë

1. Mjek Kardiopediatër (me kohë të pjesshme)

Kandidati duhet të plotësojë kriteret si vijon:

a. Të ketë përfunduar studimet e larta në Mjekësi të Përgjithshme;
b. Të ketë specializim në Pediatri dhe Kardiopediatri;
c. Të ketë eksperiencë pune në trajtimin e të porsalindurve dhe ndjekjen e grave shtatzëna;
d. Të ketë leje të vlefshme për ushtrimin e profesionit;
e. Të ketë aftësi të mira komunikuese dhe bashkëpunimi.

Detyrat kryesore përfshijnë ndjekjen dhe trajtimin e të porsalindurve, konsultat për gratë shtatzëna dhe menaxhimin e patologjive kardiake pediatrike, në përputhje me profilin e spitalit tonë.

2. Mjek Okulist (me kohë të pjesshme)

Kandidati duhet të plotësojë kriteret si vijon:

a. Të ketë përfunduar studimet e larta në Mjekësi të Përgjithshme;
b. Të ketë specializim në Okulistikë;
c. Të ketë eksperiencë në ekzaminimin dhe trajtimin okulistik të të porsalindurve;
d. Të ketë leje të vlefshme për ushtrimin e profesionit;
e. Të ketë aftësi të mira komunikuese dhe bashkëpunimi.

Detyrat kryesore përfshijnë kontrollin dhe ndjekjen okulistike të të porsalindurve, në përputhje profilin e spitalit tonë, i cili ofron shërbime të specializuara në obstetrikë, gjinekologji dhe kujdesin për të porsalindurit.”.

Dokumentacioni i kërkuar:

1. Jetëshkrimi (CV);
2. Fotokopje e letërnjoftimit;
3. Diploma universitare dhe lista e notave;
4. Diploma e specializimit;
5. Leje e ushtrimit të profesionit;
6. Dokumente që vërtetojnë eksperiencën në punë;
7. Dëshmi të tjera kualifikimesh;
8. Vetëdeklarimi i gjendjes gjyqësore.

Afati dhe mënyra e aplikimit:

• Pranimi i dokumentacionit bëhet brenda 7 (shtatë) ditëve kalendarike nga data e publikimit të njoftimit.
• Aplikimet dorëzohen në adresën elektronike zyrtare të spitalit dhe/ose pranë zyrës së protokollit,
• Në përfundim të procedurës, kandidatët fitues do të njoftohen nëpërmjet adresës elektronike të deklaruar në CV.